Kerweredd' 2011
der Kerwebuwe Deidesheim
bei der Eröffnung der Deidesheimer Weinkerwe am 13.08.2011
Liebe Leserinnen, liebe Leser!
Liebe Freunde der Deidesheimer Weinkerwe!
Die Deidesheimer Weinkerwe übt auch im Jahre 2011 auf zahlreiche Besucher von nah und fern ihre bekannte „magische Anziehungskraft“ aus. Wir dürfen, und dies macht uns besonders stolz, Gäste aus dem gesamten Bundesgebiet und aus dem Ausland recht herzlich begrüßen. Aber auch die Deidesheimer Bürger selbst – die Pfalzkenner unter euch werden dies sicherlich bestätigen – verstehen es, während der Kerwezeit zu feiern. Ausgelassenheit und Frohsinn stehen zwei Wochen lang im Mittelpunkt des Geschehens. Ganz besonders gilt dies naturgemäß für uns Kerwebuwe.
Auch im 39. Jahr unseres Bestehens wollen wir Junggesellen in Frack und Zylinder mit der Kerweredd und den vorgetragenen Liedern und Trinksprüchen unseren Teil zur fröhlich-freien Atmosphäre unseres Weinfestes beitragen. Wir Kerwebuwe haben mit der Rede zur Eröffnung des Weinfestes einen alten Brauch wieder belebt, nachdem die Bürger der Stadt das Recht haben, der Obrigkeit einmal im Jahr so richtig die Meinung zu sagen. So manchem ist beim Hören der Kerweredd schon buchstäblich „das Lachen im Hals stecken geblieben“.
Missstände werden aufgezeigt, Geschehnisse glossiert, aber auch so manches Lob verteilt. Da dem Referenten der Kerweredd zwar Straffreiheit zugesagt, diese aber faktisch nicht immer gewährt wurde, entschied man sich schließlich dafür, nur noch Junggesellen als Redner zuzulassen. Somit war garantiert, dass nicht eine ganze Familie unter etwaigen Repressalien zu leiden hat. Dieses Jahr wird das nicht ungefährliche Amt des „Kerweredners“ zum ersten Mal von Felix Hüther ausgeübt. Matthias Kerbeck wird dieses ehrenvolle Amt nach nunmehr sechs Jahren an Felix übergeben. Neben den beiden sind Florian Groß, Steffen Trautmann, Jan Hock, Ulrich Eichberger, Martin Kraft, Manuel Langhauser, Philipp Seckinger, Martin Lucas, Sebastian Kraft und Fabian Kerbeck als „aktive Kerwebuwe“ in den Höfen und der Woigass zu eurer Unterhaltung unterwegs; letztgenannter hat mit Erfolg seine „Probezeit“ absolviert und wurde am 12. August 2011 in den Kreis der Kerwebuwe aufgenommen. Als Aspiranten werden uns dieses Jahr Maxi Groß und Christian Langhauser begleiten. Leider schieden im vergangenen Jahr mit Timo Schnautz und Markus Schädler zwei altgediente
Kerwebuwe aus unserem Kreis aus.
Die Kerweredd 2011 wurde von uns Buwe während zahlreicher, zumeist höchst amüsanter
Zusammenkünfte verfasst. Die Kopien der Kerweredd entstanden mit freundlicher Unterstützung der VG Deidesheim. Wir wünschen allen Gästen der Deidesheim Weinkerwe viel Spaß beim Feiern und viel Vergnügen beim Lesen dieser Schrift.
Deidesheim, im August 2011
<h1 style="MARGIN: 0cm 0cm 0pt">Euere Kerwebuwe</h1>
Oileidung
Seit geschdern hänn Kerwefans widder leichdende Aache:
in Deisem sinn widder die dolle Daache.
Gude Weine, gude Stimmung, un des zehn Daach lang –
un als Krönung unsern schäne Kerwegesang.
Ich hoff, ihr habt eich all Urlaub genumme,
um ach richdich uff eier Koschde zu kumme.
Unser Bojemäschder, de Manfred Dörr, hat soi Lehramt sogar ganz an de Nachel g'hängt –
ok, bestimmt hot er dobei net nur an die Deisemer Kerwe gedenkt.
Also liewe Leit, losst Kummer soi un Sorche –
un feiert Kerwe mit uns – Kerwe bis zum iwwernägschde Mittwoch morche!
Zuerscht traachen mer awwer unsrer Kerweredd mol vor,
un saache eich, was so alles bassiert is es letzschde Johr:
Haushaltslöcher un Schuldenberge
Vum Rege in die Traufe kännt mer saache:
Die Finanzkrise grad rum, schlacht uns die Schuldekrise uff de Maache.
Die Schulde duen in de Himmel schieße,
die öffentliche Hand macht en immer größere Haufe Miese.
Mit der Polidik werren unsere Haushalte sicher net gsünder ...
Wir sitzen uff änere Bomb un unser Politiker spielen am Zünder!
Awwer net bloß bei Bund un Land
gibt mer zuviel Geld aus mit offener Hand.
Ach in Deisem gehn die so zuwerke,
un türmen se uff, die Schuldenberge.
Im Friehjohr war es in de Zeidung nochzulese,
sinn des fascht Dausend Euro pro Nas gewese.
Letscht Johr sinn besonners viel dezu kumme,
de Woistroßeausbau z.B war halt halt auch net fer umme.
Ok ... klar muss mer bei der Sach jo ach sehe:
Die Politik von Land und Bund dut unserer Kommune geldmäßig die Luft abdrehe.
Trotzdem is mir als Bürger ach in Deisem net geheier debei,
bei dere Schuldemacherei.
Uff Deisem bezoche hääßt es denn ach in ennem Zeidungsbericht:
En ausgeglichene Haushalt is long noch net in Sicht.
Deshalb muss ich an die Verantwortliche hier mol appelliere,
die Sach net aus de Aache zu verliere,
un kä weidere Schuldenberge uffzubaue –
un die Opposition muss de Leit mit Spendierhose uff die Finger schaue.
Räumen unsere Kinner ach noch finanzielle Spielräume oi,
die sollen schließlich net Erbe vun nur em Haufe Miese soi!
Fachkräfte-Mangel
Vor korzem gab's bei de Nachrichdeagenture was zu lese,
des is typisch fer es Sommerloch gewese:
De Guttenberg will net in Deitschland bleiwe,
er geht in die USA, um dort e Buch zu schreiwe.
Naja, mänen manche süffisant,
ohne Dokder wär des jo ke dramadischi Fachkräfteabwannerung fer unser Land.
Un weil ich's grad von Fachkräfte hab:
Die wannern ach aus Närrekärch ab.
Es ziehen immer mehr gut ausgebildete Jungwinzer vun Närrekärch noch Deisem her.
Tja, newer unserm attraktive Deisem hot's Närrekärch halt schwer.
Iwwergabe
So, ehr Leit, nun häßt's fer mich es "Time to say Good-Bye",
moi Zeit als Kerweredner is jetzt vorbei.
Seit kurzem hab ich nämlich schun e paar graue Hoor,
deshalb stell ich eich jetzt de Felix als moin Nachfolger vor.
Gern gemeld fer des Ehrenamt hot er sich
un ehr werren sehe: Noch mir kummt äner, der größer is als ich.
Als achter Kerweredner(*) in 39 Johr kummt er jetzt dro,
also auf geht's, Felix, tritt dein Amt jetzt o.
(*) Willi Leim (1972-1976)
Manfred Dörr (1977-1986)
Helmut Krack (1986-1992)
Markus Schmid (1993)
Christoph Leim (1993-1999)
Martin Weigel (1999-2005)
Matthias Kerbeck (2005-2011)
Staatsoberhaupt in Deisem
Ritters Fitz fisch dicke Fische,
dicke Fische fischt Ritters Fitz?
Beim Woigut Fitz Ritter in Dergem hot mer zumindescht gedenkt,
dass do en dicke Fisch an de Angel hängt.
Awwer vun vorne: Unser Bundespräsident und soi Diplomatisches Korps hänn en truckne Hals
deshalb machen die en Ausflug zu uns in die Palz.
In Worms werd de Dom betracht,
donn in Ludwigshafe e Visite in de Anilin gemacht.
Uff es Hambacher Schloss, die Wiege Deutscher Demokratie,
muss mer bei em Palzbesuch ach ubedingt hi.
Dem zwähunnert-köpfiche Diplomate-Korps g'fallts –
un jetzt wollen die zum Abschluss noch en gude Woi in de Hals.
Zuerscht wollt mer noch Dergem ins Woigut Fitz Ritter gehe,
e reputables Woigut, muss mer sehe.
Leider wollten die aus der Sach Kapidal rauschlache
und mit em Wulff-Besuch ihr Gschäftel mache.
Als "Frohe Botschaft" werd e Geschenkbox bei Facebook vermarktet,
e paar Flasche Woi, bei denne mer noch e Bild vum Wulff geparkt hätt.
Em Bundespräsidialamt hot die "Frohe Botschaft" awwer net so zugsacht,
weil mer mit dem Bundespräsident kä Werbung macht.
Also losst mer den Besuch in Dergem soi
un geht stattdessen noch Deisem, mir hänn jo de beschde Woi.
Beim Oitrach ins Goldene Buch hot er dann sicher net schlecht gschdaunt, der Bundespräsident,
wer sich schunn alles Berühmtes en Uffenthalt in Deisem hot gegennt.
Noch Deisem, do will halt jeder hi,
vun de weltweite High Society.
Un die Moral vun dere Sach?
Wonn dich die Bundepräsident oruft, is noch long nix unner Dach un Fach.
Vielleicht g'fiel ihm die "Frohe Botschaft" net, odder er frogt sich, der Mann:
Warum en Dergemer, wonn ich mer ach en Deisemer oischenke kann?
Perfektes Dinner in de Palz
Letscht Johr im Herbscht beim Ferneh denk ich Menschenskinner,
wer kocht donn so beim "Perfekde Dinner"?
Unser Pfarrer Bernhard und die Eva, unser Woiprinzessin a. D.,
warn Hauptdarsteller beim Kochshow-Dreh.
Die zwä konnten net nur Esse gut zubereide,
sondern ach unser Pälzer Mentalität gut in die Welt verbreide.
Des is ebbes, des finnen mer Buwe foi,
drum schlacht jetzt emol schäh fer die zwä in eier Händcher noi!
Woigüter in Deisem
Letscht Johr hot es Woigut Biffar in Deisem zugemacht,
un soi Wingert an onnere verpacht.
Deisems VdP-Dichte get somit e bissl runner,
statt fünf kummen jetzt vier nur noch in Deisem unner.
Doch wo Aldes vergeht, dut ach Neies entstehe,
seit korzem dut jo ach unser Pfarrgut widder bestehe.
Unner onnerem zeichnen e paar Jungwinzer vun uns Buwe verantwortlich defor,
Drum denk ich, dem Parrgut steht e gänzendie Zunkunft bevor.
Woiprinzessin
Noch em Woiprinzessinne-Turnus vun de Fraa Magin wärs jo so gewesst,
dass mer des Johr Ruppschem die Prinzessin stelle lässt.
Leider hot awwer die Fraa Knoll ke Zeit,
zum Glück stand defor unser Carina bereit.
Apropos Prinzessin, uff de VG-Website steht noch die Eva aus 2009/2008,
do werd wohl nur alle drei Johr mol e Update gemacht.
Do kehrt was gemacht, sunscht dun die Surfer denke,
bei uns dut mer dem Amt ke Bedeudung schenke.
Woiprobesprecher
Als Probesprecher war de Herbert Gießen 10 Johr long am Mikro dro
un tritt jetzt de geordnete Rückzug o.
Soi Konzept: E Verknüpfung zwische Weltgschicht und Deisem hiekriege
do werd awwer ach mol gflunkert, dass sich die Balke biege.
Er hot sich immer viel Gedanke drum gemacht,
un soi Probe immer gut riwwergebracht.
Deshalb hoffen mer, er bleibt net fer immer weg,
un gibt irchendwann widder e Comeback.
Gäßbockversteigerung
An Pingschde is zum erschdemol seit em Johr 2007
de Bock widder in Deidesem gebliwwe.
Doch richdich nei war desmol vor alle Dinge,
dass ke neivermähldes Lambrechter Brautpaar uns de Bock wollt bringe.
Erscht als die Zeidung vorab sich des Themas hot ogenumme
sinn drei schun länger verheiratete Paare kumme,
die sich fer des Brauchtum interessieren
un den Bock uff Deisem wollen führen.
In friehere Zeite hänn die Lambrechder jo als Probleme g'hatt, en Bock zu präsendiere,
un mussten die Viecher aus Thüringe gar importiere.
Brautleit importieren sich awwer net so gut,
also hoffen mer mol, dass des Brauchtum in Lambrecht net oischlofe dut.
Neii Deisemer MdL
Wie ihr wisst, bewiesen schon einige Deisemer ihr Geschick,
ach in de große Politik
In de Landdaach noch Münche un de Reichsdaach in Berlin
kamen Deisemer Politiker hin.
1848 im Frankfurter Nationalparlament war ein Deisemer debei –
en Staatssekredär in Määnz hatten mer ach, fallt mer noch oi.
Desjohr konnt mol widder jemand vun Deisem genügend Stimme zusammeraffe,
um den Sprung in die große Politik zu schaffe.
Ugewänhlich fer Deisem – zum erschdemol schickt unser Stadt e Fraa,
ugewänhlich fer Deisem ach, dass net net vum christliche oder liberale Lager war.
Denn während de Wahlkampfkarre bei de onnere knatterte bloß
Ratter-ten die Griene richdich los.
Mer Buwe raten unserer Mandatsträgerin äns:
Nemmen se e paar Flasche vum de Mittelhaardt mit noch Määnz.
Denn unser Woi, der macht dich gscheider
und hilft, wenn wichdiche Entscheidunge zu treffe sinn, weider.
Safari in Närrekärch
Bei de WM in Afrika waren mer all mit em Fußballfiewer infiziert,
un die Närrekärcher anscheinend vun de Safari inschpiriert.
Ich war demletscht erschd ganz verwirrt,
weil do in de Muddergemäh is e Kuh uff de Haupstroß galoppiert.
Hinne dro, in alder Daktari-Manier
hot se en Närrekärcher uff em Pickup schun im Visier.
Uff de Frielsemer Chaussee hot er se donn erlegt,
un domit die Idee vun de Palz-Safari geweckt.
Mer hot sich vor Ort in Botswana bei de Profis informiert,
un glei mol en richdiche Guide engagiert.
Am Ständel kann mer jetzt schunn bei dem Toure buche,
un die verfrohrene Steppe des Rittersees besuche.
Ehr Leit, ich sag eich, bassen uff,
do unne in Närrekärch brennt die Luft.
Un sollten ehr en griene Pickup sehe:
Besser glei in Deckung gehe!
Un jetzt, jetzt kummt der große Aacheblick
ab nochher soll eich strahle höchschdes Kerweglück!
Ehr Kerwebuwe halten eich bereit!
Loßt eich die Schobbe fülle un macht die Kehle weit!
Ehr Schütze: Achtung glei hääßts Feier frei!!!
Ehr liewe Kolpingbläser zählt derweil uff drei!!!
Nun richtet uff de Deisemer Kerwestrauß,
de Kerweruf erschall in jedem Deisemer Haus!!!
Die Kerwe ist eröffnet - losst uns die Schobbe hewe!
Die Deisemer Kerwe, die soll lewe!
Hoch, Hoch, Hoch !!!
Kontakt:
E-Mail: DeidesheimerKerwebuwe@gmx.de
Website: www.kerwebuwe.de
